Un libro imprescindible. Unha banda deseñada que magoa. Guerra en Gaza

Un libro imprescindible. Unha banda deseñada que magoa. Guerra en Gaza de Joe Sacco, aparece traducida por Clara Barcia e publicada por Rinoceronte.

Da presentación editorial:"Joe Sacco é coñecido como un inquebrantable cronista da inxustiza inflixida sobre o pobo palestino (Palestina, 1993; Notas a pé de Gaza, 2010). Continúa a súa misión con Guerra en Gaza, un conxunto de comentarios gráficos sobre o masacre israelí que comezou hai máis dun ano e continúa sen descanso ata hoxe. Publicado por entregas na páxina web do Comics Journal, Guerra en Gaza consiste nunha serie de cómics e ilustracións que mostran a núa inmoralidade da propia “guerra” e as súas directas e tráxicas consecuencias. Empregando os seus habituais sinais de identidade, a honestidade, a compaixón e o humor negro, Guerra en Gaza achega unha crítica inflexible ao xenocidio israelí e á complicidade do presidente Joe Biden e dos Estados Unidos." 

O autor comeza falándonos en primeira persoa, dexbuxándose a si mesmo, reflexionando ante a situación, comentándonos incluso algunha das súas propostas e o mal resultado que deron (que facer ante o que sucede en Palestina?), o papel de Bin Laden (o presidente que semellaba o mal menor diante de Trump pero que dotou de todo tipo de armas a Netanyaju cos cartos dos contribuíntes norteamericanos (tamén cos impostos de Sacco que se representan completando unha bomba a enviar), as mentiras que crea e como estas foron amplificadas e repetidas, de pano de fondo a nai de Sacco con problemas de memoria pero angustiada polas lembranzas da guerra, esas viñetas nas que Laden e Netanyaju xogan ao diálogo entre deus e interlocutor sobre se é posible salvar aos xustos ou eses deben ser tomados como escudos humanos ou potenciais terroristas. Occidente e a seu orgullo democrático remata en Gaza. A partir de aí, que imos explicar e a quen? Unha mirada atgrás lévao a Atenas, aquela democracia que era escravista, excluiu ás mulleres ou destrúe a Cidade - Estado de Milo.Remata cunha petición a Dante para que conxure o inferno.  

Unha obra dura pero necesaria, porque máis dura é a realidade á que nos enfrontamos cada día nos medios de comunicación.