sábado, 30 de abril de 2016

Eles din... acerca da cultura.

Dícía un día deste Yayo Cáceres, director do grupo de teatro Ron Lalá, que a cultura e a educación son as alas que nos permiten voar.
Ía máis lonxe, cando defendía que a arte é absolutamente necesaria por ser a ferramenta que desenvolve un hemisferio do cerebro que doutra maneira quedaría durmido. E continúa: "O problema é que che fan pensar por ti mesmo, e iso é algo que non acostuma interesar á xente que goberna" (dunha ou doutra maneira).
Tamén contaba o que xa sabemos, que no Reino Unido levan cinco anos planificando o aniversario de Cervantes e hai uns 25 montaxes en marcha, mentras que aquí enviamos a Eurovisión a alguén que nos vai a representar en inglés. Xa o dixera Darío Villanueva ¡canto sentido común! Pena que esta análise non se faga da mesma maneira cando se fala do galego, pero non hai dúbida de que quen non defende o castelán tampouco o fai co galego. Como se só interesara a lingua do poder, nun lado ou doutro...
Mentras tanto, en Compostela pechan a librarías e no seu lugar tod@s tememos unha nova tenda de baratixas para pseudo peregríns.

xoves, 28 de abril de 2016

Porque todos os días... os libros son para valentes


Iso dixo Pedro Feijoo, "Os libros son para valentes" e non para almas moinas que se conforman coa vida en rosa, coa televisión repetindo unha e mil veces as mesmas novas (que non por iso pasan a ser verdade).
Os libros son para valentes que se atreven a vivir máis dunha vida, aínda que isto os condene a ter que morrer tamén unha chea de veces.
Os libros son para valentes que miran de fronte e non o pechan por moito que os faga pensar, para os que dubidan e reflexionan.
Os libros son para valentes que se deteñen a ler... a ir máis alá de mirar.
Atreverémonos, Pedro, entraremos nas páxinas, percorrerémolas coma se dunha xeografía se tratara e logo discutirémolas con quen teñamos a man, porque é preciso falar do que lemos e facelo cara a cara.
Grazas por esas palabras a ti, e por todo á Asesoría de bibliotecas escolares de Galicia que sempre sabe a quen pedirlle unhas verbas.

mércores, 27 de abril de 2016

Sobre literatura infantil e xuvenil... algunha opinións


No seguinte enlace temos un artigo no que diferentes autores como Antonio Ventura, Luis García Montero, Eliacer Cansino...
Entre as ideas que se recollen hai lamentos pola perda das editoriais independentes que andaban entre nós hai unhas décadas. Tamén na literatura é imprescindible o punto ecolóxico, a defensa das diferentes opcións ou empresas para posibilitar a diversidade de propostas. Niso debemos pensar, nas editorias pequenas e grandes que nos están a achegar libro para rapazada e mocidade en galego e a necesidade de defender a súa supervivencia, cando o produto que ofrecen ten calidade.
Tamén é de interese a diferenciación que se fai da literatura infantil e a xuvenil, o sentido ou non desta última e a liberdade da primeira.

martes, 26 de abril de 2016

A biblioteca electrónica do Instituto Cervantes


Así se anuncia: "Miles de libros y recursos digitales en español donde y cuando quieras".
Este é o seu enlace para acceder a libros electrónicos (co catálogo), audiolibros,  recursos-ee club virtual de lectura.
Entre os recursos web atopamos, nas súas palabras "O mellor da música de todos os tempos, o mellor en España e Latinoamérica: Naxos Music Library, a colección de música clásica máis completa dispoñible na rede". Aínda que semella moi publicitario, haberá que ver...

xoves, 21 de abril de 2016

Compostela, cidade convidada de honor na Feira de Bos Aires.


Santiago de Compostela é a cidade convidada de honor na feira que se está a celebrar. Dise que máis de 25 autores arribarán a Bos Aires para dar a coñecer aa obra literaria, científica e cultural galega.
Ao tempo, os leóns que gardan o Congreso dos Diputados poñen as gafas para poder ler a Cervantes, porque eles tamén teñen xa a súa idade... como podemos ver.

mércores, 20 de abril de 2016

23 días de lectura e de libro


O Ministerio de Educación, Culturae Deporte acaba de poñer en marcha a campaña 23 días de libro.
“Un lector vive mil vidas, el que no lee...sólo una”, La lectura les ayuda a potenciar su creatividad, a mejorar su imaginación, a tener una mejor memoria, amplían el vocabulario y siempre podrán descubrir cosas nuevas. Los niños tienen curiosidad innata por aprender y por mirar los cuentos, pero es deber de los adultos potenciar el hábito para que a medida que vayan creciendo, los niños sientan que la lectura no es una obligación sino una actividad de placer y ocio que sólo les aporta cosas buenas.

martes, 19 de abril de 2016

Día Mundial da Narración Oral ou Semana da tradición oral

Por se marzo tiña pouco que celebrar, este ano no calendario do libro e da lectura aparece esta data, 20 de marzo día da narración oral. Nunca sobra, pero igual preferiríamos que se asumira a semana da tradición oral que sempre se celebra alá por novembro, un mes moi axeitado para recollerse ao pé de calquera lareira ou mesa a falar, a contar, a compartir o que nos legaron e a maneira na que nos pasamos de orella a boca para que a cadea continúe. Outono de castañas e magosto, de vendima para os maiores e tempo de recollerse.
Só unha referencia para volver en novembro e celebrar unha semana que pode espallarse mentres andamos con samaíns e magostos, cos santos e os defuntos... que de todo se pode falar! e cantar, por que non?
Sempre ir ás fontes, sempre pasar por Galicia encantada esa páxina do noso imaxinario e aos libros deses magos da recolleita: Dicionario dos seres míticos galegos, Pequena mitoloxía de Galicia, Cando os animais falaban, A flor da auga, Arrepíos e outros medos... as coleccións Cabalo buligan de Xerais, Dediños de Tambre, Contos populares de A Nosa Terra, e algúns volumes soltos da colección Ler é vivir e Montaña encantada de Everest Galicia.
Para facer boca, un texto en liña de Xosé Miranda "Lendas e mitoloxía popular galega"


sábado, 16 de abril de 2016

Mulleres e poesía.


"Ceo ou cénit da autoría feminina na poesía galega", un contido da revista Luzes.
E un bo motivo para lembrar as poetas que escriben para a infancia.
Escribimos os seus nomes:
Gloria Sánchez con libros como Bichos con gaseosa, 303 adiviñas, Adiviñas monstruosas, Rimas con letra, Fafrrarios...
Pura e Dora Vázquez con Oriolos neneiros, Ronseles, Campo e mar aberto, Viaxe ao país dos contos e da poesía...
Helena Villar con A campá da lúa, Belidadona, Dona e Don, Na praia dos lagartos, O libro de María...
Ana Mª Fernández con Amar e outros verbos, O país de amarnos, Páxinas de carricanta...
Elvira Riveiro con Palabras brancas
Marica Campo con Abracadabras
María Canosa con Acuario, Acuario 2
Anisia Miranda con Cantarolas
Yolanda Castaño con Verdedades
e tantas outras!



mércores, 13 de abril de 2016

Se eu recomendase...


Este ano tocaría ler os libros para a infancia e a xuventude de Manuel María. Tocarían os libros de Castelao, onde onde o noso sentidiño alcance. E logo, as novidades, aquelas que se len hoxe pero non se sabe ata onde se lerán mañán...
Dous históricos:
Fontán de Marcos Calveiro, Premio de Narrativa Breve Repsol 2015
Lourenço xograr de Manuel Portas, Premio García Barros 2015
Dous premios de lix
Europa Express de Andrea Maceiras, Premio Jules Verne de Literatura Xuvenil 2015
Nena e o mar de Érica Esmorís, premio Merlín de literatura infantil 2015 

Un clásico reeditado:
Cantarolas de Neira Vilas e Anisia Miranda, ilustrado por Leandro Lamas e publicado por Kalandraka
E todos os que virán!

domingo, 10 de abril de 2016

Tamén os deportistas len

Seica este é o listado dos libros que máis gustaron aos xogadores do primeiro equipo de balonmán (así aparece na páxina do FCBarcelona, todo un exemplo a imitar!):
Marko Kopljar: Outliers, de Malcom Gladwell
Gonzalo Pérez de Vargas: La luz que no puedes ver, d’Anthony Doerr
Jesper Noddesbo: Livsfarlig Ledelse, de Christian Orsted
Eduardo Gurbindo: Open, d’Andrea Agassi
Filip Jicha: El Leopardo, de Jo Nesbo
Kamil Syprzak: Juego de Tronos, de George R. Martin
Carlos Ruesga: El alquimista, de Paulo Coelho
Gudjon Valur Sigurdsson: Becoming a supple leopard, de Kelly Starrett
Cedric Sorhaindo: El llarg camí cap a la llibertat, de Nelson Mandela
Wael Jallouz: L’Alcorà
Raúl Entrerríos: Los pilares de la tierra, de Ken Follett
Kiril Lazarov: El alquimista, de Paulo Coelho
Aitor Ariño: El palacio de la medianoche, de Carlos Ruiz Zafón
Viran Morros: Toda la verdad, de Mike Tyson
Dani Sarmiento: Trilogía de Martín Ojo de Plata de Matilde Asensi
Danjel Saric: El monje que vendió su Ferrari, de Robin Sharma
Víctor Tomás: Open, d’Andrea Agassi
... Porque sempre hai un tempo para ler.

xoves, 7 de abril de 2016

De libros e lectura

Porque podemos aprender de todos e de todas (a pesar de que os mesmos que nos enseñan unhas cousas poidan desaprendernos outras moi importantes), tomemos nota do que acerca dos libros e da lectura apunta Vargas Llosa no artigo do 2 de abril en El País, titulado "Un alto en el camino", do que entresacamos:
(...)
"Es difícil decir la inmensa felicidad y riqueza de sentimientos y de fantasía que me han dado —que me siguen dando— los buenos libros que he leído. Nada me apacigua más cuando estoy en ascuas o me levanta el espíritu si me siento deprimido que una buena lectura (o relectura). Todavía recuerdo la fascinación maravillada con que leí las novelas de Faulkner, los cuentos de Borges y de Cortázar, el universo chisporroteante de Tolstói, las aventuras y desventuras del Quijote, los ensayos de Sartre y de Camus, y los de Edmund Wilson, sobre todo esa obra maestra que es To the Finland Station que he leído de principio a fin por lo menos tres veces. Lo mismo podría decir de las sagas de Balzac, de Dickens, de Zola, de Dostoiesvki, y el difícil desafío intelectual que fue poder llegar a gozar con Proust y con Joyce (aunque nunca conseguí leer el indescifrable Finnegans Wake)".
(...)
"Quizás sea un poco optimista hablar del futuro cuando se cumplen ochenta años. Me atrevo sin embargo a hacer un pronóstico sobre mí mismo; no sé qué cosas me puedan ocurrir, pero de una sí estoy seguro: a menos de volverme totalmente idiota, en lo que me quede de vida seguiré empecinadamente leyendo y escribiendo hasta el final".
Que nunca se diga que somos prexuizosos/as, pero ben se ve que non coñece a literatura galega e que tampouco é capaz de nomear a García Márquez, nin siquera de morto.

martes, 5 de abril de 2016

De libros e bibliotecas


En El País do 2 de abril atopamos esta outra nova que nos enche de fachenda "Descubrir la ciencia. Los siete hermanos que se criaron con 20.000 libros". Fala o artigo dunha familia de Ourense, os Martínez Díaz entre os que se atopan un arqueólogo que investiga sobre os guerreiros de Xian, unha paleontóloga que traballa no Cáucaso, un pediatra en Kazajistán, unha investigadora nos xacementos de Atapuerca,... fala deles e dos libros, da boa educación (no mellor sentido). Marcos Martínez Díaz, impartiu unha conferencia nas Xornadas arqueolóxicas do Barbanza e alí puidemos saber que entre outros méritos contaba co premio ao mellor divulgador científico do Reino Unido.
Entresacamos:
"(...) Aquella biblioteca de un piso de Ourense repleta de epopeyas de papel se convirtió en una fábrica de cerebros dedicados a la ciencia. (...) En mi casa había veneración por los libros, como fuente de entretenimiento, de conocimiento, de consuelo”
E, eses pais, cunha biblioteca que ocupaba o mellor cuarto da casa, só pediron que deran a mellor versión de si mesmos... Canto toca aprender!

luns, 4 de abril de 2016

De bibliotecas escolares e editoras

Recollemos de La Voz de Galicia, unha moi boa nova relaciónda con bibliotecas escolares (que non se reproduce (ou non atopamos a versión dixital do xornal. Nela, baixo o título "Europa destaca o impulso galego das bibliotecas" cóntase que a Rede de Políticas de Alfabetización Europea (Elinet) vinculada á Comisión Europea recoñeceu a calidade da estrutura posta en marcha pola Xunta para o impulso das bibliotecas esoclares, ao incluír esta iniciativa como unha Boa Práctica na súa web

No mesmo xornal aparece unha entrevista á presidenta da AGE (Asociación Galega de Editores) dá luz sobre a edición en Galicia nos últimos anos. 

venres, 1 de abril de 2016

2 de abril. Día Internacional do Libro Infantil

Polo Día Internacional do Libro Infantil, faise pública a mensase e o cartel  que o IBBY (The International Board on Books for Young People) encarga a unha das súas seccións. Este ano 2016, correspondeulle á brasileña da man da escritora Luciana Santori e do ilustrador Ziraldo.   
Un día para lembrar a importancia deste literatura que fai lectores e lectoras para toda a vida.
Un día máis para ler, e facelo en galego.
É GALIX (Asociación Galega do Libro Infantil e Xuvenil) quen nos achega esta documentación.