domingo, 22 de novembro de 2020

De premios en Banda Deseñada


A proba de auga de Anémona de Río resultou ganadora do I Premio Banda Deseñada O Garaxe Hermético, publicada agora na colección Merlín Cómics de Xerais.
É unha boa noticia esta colaboración da editorial Xerais coa escola de Banda Deseñada O Garaxe Hermético, dirixida por Kiko da Silva. Están a faltar cómics en galego, especialmente para primeir@s lector@s. Xerais botou a andar coa serie de Marcopola.
Así nos presentan o seu resumo:
"Rematados os seus estudos, unha pequena pinga de auga está xa preparada para levar a cabo a súa misión. Pero no seu primeiro día todo ocorre demasiado rápido, perde de vista o seu grupo e esperta nun lugar descoñecido. Terá que reunir valor e internarse nese novo mundo para atopar os seus compañeiros e compañeiras, intentar cumprir co seu cometido e descubrir quen é ese escorregadizo descoñecido que o pon todo patas arriba."
Unha viaxe polo corpo humano, relacionándose cos glóbulos vermellos, as neuronas, bastón e conos que andan polos ollos, vacinas, leucocitos... pasando polos diferentes órganos e vísceras. Algo que non po

derás esquecer, especialmente nestes tempos de virus.

Ningún comentario:

Publicar un comentario