No imaxinario infantil hai varios elefantes. O máis famoso deles é Elmer, o elefante de cores, creado por David McKee, pero hai máis, o seu primo de cadros brancos e negros e ... agora aparece Ernesto. Ernesto, o elefante de Anthony Browne, publicado por Kalandraka, é un álbum traducido por Sandra e Óscar Senra Gómez que sae á luz nesta primavera de 2021.
Ernesto é un pequeno elefante ao que deslumbra a selva. Farto de camiñar, comer, beber, falar e durmir intérnase nese mundo marabilloso pero despistase mentres camiña mirándoo todo e pérdese. Busca axuda pero nin o gorila, nin o león nin o hipopótamo ou o crocodilo lle din como atopar a súa nai... será un pequeniño rato, no que el case non confía, quen o leve ata ela. Daquela, o ratiño volverá silencioso á selva, porque así fan os seres xenerosos.
Ningún comentario:
Publicar un comentario