Constelacións literarias I. Mulleres pola igualdade. Feminismo

 

Canto lle debemos ao feminismo!

Non só as mulleres, tamén os homes.

O feminismo busca eliminar as desigualdades de xénero, defender os dereitos das mulleres, liberar a homes e mulleres dos roles marcados tradicionalmente e dos estereotipos que nos aprisionan. Grazas ao feminismo avanza o mundo, transfórmase, facendo unha sociedade máis xusta e libre. Grazas a esa loita as mulleres votan, traballan por rachar os límites en estudios e traballos, e fan forza por acabar co teito de cristal.

Hai libros que buscan mostrar as contradicións e as inxustizas dunha sociedade machista, para que podamos evitar a súa continuidade.  

Usha

Volvo! O regreso de Usha

O libro dos porcos

Unha feliz catástrofe

Rosa caramelo

Marta e a píntega

O país dos mandóns

A historia dos bonobos con lentes

Roi quere ser mamá

El– Rei Artur e a abominable dama

Azul e Rosa

Carlota e o príncipe azul

Artur e Clementina

Canto te quero, profe!

O meniño Nito. Entón, os homes choran ou non?

Constelacións literarias I. Muller e igualdade. Diversidade familiar

Nunca as familias foron iguais. Tiñan máis ou menos fillos. A algunhas, por diferentes razóns, faltáballe o pai ou a nai, outras contaban cos avós... con algún tío ou tía... 

Agora, aínda hai máis riqueza e variedade de familias. A separación dos pais, as adopción en diferentes lugares do mundo, os matrimonios homosexuais, a reprodución asistida... permiten unha maior liberdade e sinceridade, de tal maneira que o noso mundo ten máis policromía. Unha cata, en forma de degustación

Diversidade familiar

En familia!

Unha chea de familias

Teño dúas casas

Unha familia normal

Constelacións literarias I. MULLER e igualdade. Biografías de muller

Se as constelacións literarias son itinerarios de lectura ao modo das constelacións estelares, de forma que un libro nos leve a outro de maneira case libre e suxestivo, sen atender a criterios historicistas ou de estilo, senón a aqueles outros que nos diten as ganas de ler e os intereses que en cada momento nos animan.

Leremos o noso firmamento, establecendo vínculos caprichosos, indo duns a outros libros e debuxando un imaxinario propio.

Comezaremos con biografías de mulleres que, aínda merecéndoo, non tiveron todo o recoñecemento que lles correspondía. Faremos ese esforzo por dicir os seus nomes e por descubrir que hai detrás de cada un deles.

Un itinerario para lectores e lectoras autónomas que podemos comezar polos máis infantís e rematar por aqueles que se aproximan máis ao lectorado experto.   

De paso, aprenderemos as características básicas da biografía e as diferentes maneiras de enfrontala. 

Vexamos as nosas estrelas, unhas son persoais, outras recollen varias, unhas están escritas como contos pero outras semellan ensaios... e incluso hai teatro.

Hércules e a caixa máxica de Ana María Matute

Hércules pasea con Gloria Fuertes

Hércules descubre a Elena Fortún

Mulleres bravas da nosa historia: Rosalía de Castro

Mulleres bravas da nosa historia: Xulia Minguillón

Mulleres bravas da nosa historia:Maruja Mallo

Mulleres bravas da nosa historia: Maía Victoria Moreno

Meiga nova, metade anxo metade marisco. Pequena biografía de Maruja Mallo

Un ronsel de ardora. Pequena Biografía de Ángeles Alvariño

Unha historia de amor. Pequena biografía de María Victoria Moreno

Semente de igualdade, semente de libedade. Pequena biografía de ErnestinaOtero

Pioneiras

EmiliaPardo Bazán. Unha nena seducida polos libros

Tres mulleres do seu tempo

Historia das mulleres galegas

Premios de moito interese: Castelao de Banda Deseñada para a Infancia

 

Desde a convocatoria pasada, o premio Casgelao de Banda Deseñada conta cunha nova modalidade, pois ademais da de adultos aparece a dirixida a público infantil e xuvenil.

a) MODALIDADE XERAL. Obras dirixidas a todo tipo de lectores.

b) MODALIDADE LIX. Obras dirixidas especificamente ao público lector infantil e xuvenil.

Desde o mundo da LIXG e os seus mediadores agradecemos esta convocatoria que pon a súa mirada neste grupo de  lectores que tanto gustan do cómic e necesitan produtos feitos pensando neles.

Aínda que o lectorado xuvenil se aproxima ás publicacións de adultos e as fai súas, o lector e lectora infantil está invisibilizados dentro da nosa lingua. Apenas un par de produtos dirixidos a eles (Marcopola...)  con moi escasas publicacións desde sempre e máis desde que Golfiño ten desaparecido.

Agradecemos, polo tanto, esta convocatoria e agardamos que dea os seus froitos.

Convocatorias de moito interese: Raíña Lupa

A Deputación da Coruña acaba de facer públicas un par de connvocatoria de moito interese para a LIXG.

Cambia a convocatoria do Premio Raíña Lupa de Literatura Infantil e Xuvenil que pasa a ser anual en lugar de bianual como era ata este ano. remata o prazo de presentación o 1 de xuño de 2018.

Lembremos que na convocatoria pasada, ganou este premio Marilar Aleixandre con A filla do Minotauro.

Aos premiados con anerioridade podmeos acceder no seguinte enlace. 

Felicitamos á Deputación da Coruña por este cambio que beneficia a Literatua Infantil e Xuvenil Galega e agradecemos a sensibilidade cara a este campo.

Violación, tamén, na literatura xuvenil

 

Estes días nos que a palabra violación, abuso ou agresión sexual, violencia de xénero... están nas nosas cabezas e nas rúas, hai que lembrar un libro: A cabeza de Medusa de Marilar Aleixandre.

Dúas amigas, á volta dunhas festa, entran  no coche duns mozos sen desconfiar. Prodúcese a violación e é horrible, pero máis tremendo aínda (polo que supón de violación simbólica repetida) son os tempos que seguen. A decisión de se denunciar ou non, facelo e ver a reacción da policía, dos medícos, dos medios de comunicación, dos veciños e coñecidos,... o xuicio público a elas; as dúbidas que as acosan a cada instante sobre a decisión tomada e sobre todo, sentir que son elas as que teñen que defenderse porque todo semella estar en contra. 

A ficción, neste caso, non é máis dura que a realidade. Ler esta novela achegaranos a ese ... proceso.

Poucas veces a mitoloxía se aproximou tanto a unha historia actual e poucas veces unha fotografía de cuberta foi tan connotativa. Victoria Dielh lévanos da pel ao mámore, da rapaza actual á mitolóxica para facernos pensar algo máis.

Novidades de literatura xuvenil

Segredos no Solpor é o segundo libro de Iria Misa, a autora ganadora do Jules Verne con Xa non estou aquí.

Nesta entrega sitúanos no hotel dunha vila da costa, nun verán. Este enclave fainos pensar na cantidade de películas e series enmarcadas nese tipo de lugares, a relación entre os traballadores e donos do hotel cos clientes... pero neste caso vai ser unha adolescente a protagonista, unha moza que anda de amores e escapadas pero que no comportamento familiar continúa a ter moito de nena.

Violencia de xénero en dúas xeracións distintas (a duns pais pero tamén a dos adolescentes actuais) e un vello segredo que xira arredor de sexualidades non predominantes en tempos pasados.
As lembranzas perdidas no lago Antelväri de Xosé Duncan.
O autor, especialista en fantasía e terror, consegue o seu obxectivo. Un lago, persoas maiores que se van a vivir en casiñas na natureza. Unha sociedade de asistencia á terceira idade, medio de beneficencia, que oculta algo do que non se pode nin debe falar. Esoterismo e seita. Terror en estado puro que sempre vai máis alá do que podías pensar.
Como sempre, toca pensar nas relacións con algunha outra sociedade que poida andar preto de nós...  porque nada é tan tremendo como a realidade.