Saltamos a festa do samaín porque está recollida en entradas anteriores que poden servir
Vou recollendo agora libros sobre o magosto, tendo en conta a idade para a que están destinados, de menor a maior.
Os Bolechas fan un magosto de Pepe Carreiro publicado por Bolanda. Entre as celebracións qie festexa a familia, non pode faltar o magosto.
O magosto de Jacobo Fernández Serrano está publicado na colección Pimpín por aquí non vin de Galaxia, para primeiros lectores e lectoras.
O magosto de Mon Daporta na colección Contos da Rata Luísa.
Biscoito de castañas de Lucía Mojón e Lucía Barros en álbum ilustrado publicado por Xerais. Un pai e unha filla enfrontan unha lenda a unha aventura, que se resolverá grazas á axuda da bisavoa.
Imos apañar castañas de Ramiro J. Peralta e Blanca Millán, con letra maiúscula, na colección Ala Delta de Edebé . O neno vai apañar castañas cos pais, non atende á ameaza da Marimanta que seica leva aos nenos que atopa sos e... igual leva un susto.
O souto do anano de Helena Villar Janeiro con ilustracións de Marta Álvarez está publicado por Obradoiro. Un poemario ao redor de todo o que se atopa nese bosque de castiñeros.
A boneca e a castañeira de Roberto Aliaga e Maja Celija, publicado por OQO. A neta da castañeira ten unha boneca vella de trapo. A avoa ten o posto diante dunha tenda de xoguetes e mira unha boneca de porcelana que lle vai encantar á neta. Ten a sorte de que a alguén deixa caer un paquete coa tal boneca e... non sempre as cousas son como se pensa.
O castiñeiro do apalpador de Inacio ilustrado por Nuria Díaz na que se dramatiz aesta figura e se fala da árbore que lle ofrece os froitos que reparte no Nadal.
Os pequenos Barbanzóns. Castañas con porco bravo unha BD relacionada co magosto para que non falte de nada.
A castaña que chegou a árbore de Tucho Calvo está publicada por Ir Indo para rapazada de algo máis de idade. Cóntanos a historia da castaña dende que cae da árbore, e sente que os animais e os humanos a poñen en perigo. Superará os riscos e converterase nun magnífico castiñeiro.
No corazón do bosque de Agustín Fernández Paz está publicado por Xerais e conta unha historia que sucede no outono, cando a protagonista vai de excursión ás fragas do Eume e se lle cola na mochila un trasno que busca compañía para ese tempo de soidade.
O magosto de Brais de Jorge Pérez Sampedro publicado por mr.momo. Algo se complica cando, no medio do magosto, Brais lembra que non cumpriu as dúas promesas que fixera. Terá que tentar salvar esa situación.
O castañeiro de abril de Antonio M. Fraga publicado por Xerais. Esa figura do castañeiro terá un papel de referencia na novela.
