Ninguén coma min publicado por Kalandraka na colección MareMar.
Presentación editorial: "(Autobiografía dun tirano)
Os delirios de grandeza dun ditador, a egolatría e o afán de perpetuación nunha metáfora -máis real do que parece- sobre os abusos do poder."
Os delirios de grandeza dun ditador, a egolatría e o afán de perpetuación nunha metáfora -máis real do que parece- sobre os abusos do poder."
Un porco, o tirano é un porco. Ben á vista está! Di que é "un dos grandes persoeiros deste país recóndito" (anda preto), provén dunha familia pobre pero é o elixido así que xa ninguén lle fai sombra, come con cubertos de ouro e todos coidan do seu benestar; todo xira arredor del...
A historia comezara cando China en 2002 lle agasalla a Afganistán unha parella de porcos destinados ao zoo de Cabul, ao pouco tempo teñen os seus porquiños, pero un despiste dos coidadores a gaiola dos osos queda aberta e estes acaban coas crías e deixan malferida a porca que acaba morrendo aos poucos días, desta maneira, o porco queda só; el é o único porco do zoo de Cabul.
Ignacio Chao traslada esa imaxe á figura do ditador e consegue unha obra realmente interesante. As ilustracións de Eva Sánchez acompañan o texto cunha gran riqueza expresiva e metafórica.
Ningún comentario:
Publicar un comentario