Animais e animais

Un hipopótamo na bañeira de Kyoko Matsuoka e Akiko Hayashi está pulbicado por Lata de Sal. 

Mete dentro de la bañera una tortuga, dos pingüinos, una foca, un hipopótamo e unha balea... Se que se pode! Este libro demostra que calquera cousa é posible no mundo da fantasía. Porque convirte un baño en algo divertido e no instante ideal para contar esta historia marabillosa.  

Da presentación editorial: "Ao neno encántalle bañarse. Cando vai entrar na bañeira, leva con el o seu parruliño Pukka. A Pukka tamén lle encanta bañarse. Cando abre a porta… click-cleck-clack. O chan do baño é moi escorregadizo. Hai que ter coidado".

O neno entrou co parrulo pero dentro da bañeira vai aparecendo unha tartaruga, dous pingüíns xemelgos, unha foca, un hipopótamo, unha balea... A rapaz faise cargo de todos eles, axúdalles a lavarse, xogan... ata que aparece a nai e desaparecen todos eles quedando unicamente o neno e o parruliño. Todo é posible no mundo da fantasía, ata os animais máis grandes caben nunha bañeira!

Un aniversario diferente de José Carlos Román e Susana Rosique publicado por Canica Books.

Da presentación editorial: "Unha aventura da pandilla de avós máis divertida do bosque, en busca do agasallo perfecto para unha neta moi especial. Como cada mañá, o avó Teixugo levantouse cedo. Mentres tomaba os primeiros sorbos de café, intentaba recordar algo. Intuía que aquel día non era como os demais, pero non sabía moi ben o por que. Claro que non era un día como os demais, era o aniversario da súa neta! Como puido esquecelo? Así que saíu disparado para conseguir un bonito agasallo, pero a tarefa resultou ser máis difícil do que pensaba… Pero coa axuda dos seus grandes amigos a avoa Osa, o avó Mapache, o avó Castor e a avoa Marmota, a búsqueda acabou converténdose nunha aventura cun final do  máis sorprendente.
Unha historia divertida que trata temas próximos á infancia como a amizade, a relación cos avós, os aniversarios ou os agasallos.  Pon en valor o amor de avós e netos, a figura dos avós, a resolución de problemas, a cooperación, a amizade, a perseveranza, o traballo en equipo, a celebración e a ledicia. A retahíla fai máis atractivo o conto, achegando musicalidade e desenvolvendo a linguaxe." 

Cada amigo vaille conseguir algo para o agasallo, xuntos elaborarán a torta de aniversaio e poderán compartir comida e compañía.  O que se fai entre todos ten outro sabor, outro significado...

Outros varios

 

Aloia e a súa estraña dor de barriga de Ruth Froufe Lagoa e Stela Navarro está publicado por Babi Di Bu. Trátase dun "libro para", neste caso contra o acoso escolar. Co ilustracións sinxelas e significativas.

Aloia sofre acoso escolar, métense con ela por levar pelo curto e prendedores, pero podería ser por calquera outra cousa. Dóelle a barriga cando lle pasa, cando o pensa... porque se está enferma poderá quedar na casa, terá desculpa para non estar cos demais. Todo cambia cando o seu amigo decide colocar tamén un prendedor no pelo; esa noite Aloia  decide contar o que lle pasa cando lle doe a barriga, ao día seguinte dirallo á nai e á mestra. Faino. É valente e remata co poder dos demais. 

Porque como se di na presentación editorial: "Falar é a clave para liberarse e atopar a valentía interior"; grazas a iso, Aloia libérase e a escola únese para loitar contra o bullying. "A través da historia de Aloia, preténdese destacar a importancia da valentía para afrontar os problemas, así como o poder do apoio dos amigos e a relevancia da empatía e da comprensión na loita contra o acoso escolar. Ademais, sublíñase a necesidade dunha comunicación aberta e a solidariedade para crear un entorno escolar seguro e respectuoso.

Nesa escola celebran o 2 de maio, Día Internacional contra o Acoso Escolar, colocando todos e todas un prendedor de cores no pelo. Remata cun aviso: se algunha vez che pasa isto, pon un prendedor e conta o que che sucede. Moi didáctico (excesivamente) pero moi clariño a pesar das elipses. 

Que enleada coa pipada de Blanca Millán e Rita Doallo publicado por Canica Books. Da preserntación editorial:"Menuda lea se armou na selva con tanto pío pío! E todo porque dous monos pequechos espertaron esta mañá con moita fame e acordaron cambiar o seu almorzo habitual de piña, aguacate e banana por uns cocos. Ao papagaio, que casualmente, estaba a oír a súa conversa, sorprendeulle tanto ao enterarse de que os monos tolearan e decidiran comer os mocos, que correu contarlle a nova ao guacamaio. O guacamaio contoulla ao tucano. O tucano á cotorra. A cotorra ao colibrí… Por suposto, cada un transmitiu a mensaxe ao seu xeito. E para cando o rumor chegou ao periquito, os moniños xa non eran cocos os que ían comer, se non… seguro que o queres saber?"

As repeticións ao longo da narración: "-Mi madriña,  / o que hai rir! / Non o podo permitir!!" e "O que contas é verdade? / É a pura realidade!"

Moi colorista tal como se adiviña a selva e o mundo paxaril, a confusión creada cando se vai cambiando o relato segundo quen o conte de tal maneira que o final ten moi pouco que ver co comezo, as repeticións que axudan a acompañar a lectura dos adultos e a rima que nos axuda a lembrar os textos...