As mil vidas de Dorotea Bárcena

 

As mil vidas de Dorotea Bárcena. As mil vidas da actriz, dramaturga e poeta contadas por  Lorena Conde, ilustradas por María Brenn e publicadas por Cuarto de inverno.

Da presentación editorial:

"Nenas e nenos! Señoras e señores! 
Permanezan en silencio e apaguen os seus teléfonos. 
Nuns intres, dará comezo a peza teatral “As mil vidas de Dorotea”. 
Prometemos que durante os tres actos que forman esta obra, pasarán por un feixe de estados de ánimo e, 
ao mesmo tempo, coñecerán a historia de Dorotea Bárcena, a mestra, actriz, dramaturga e muller brava, 
que traballou moito e moi duro por facer o que máis quería: teatro. 
                                               Pasen e lean!"

A vida dunha muller que ata hai pouco andivo entre nós e non ven mal reivindicar. Unha fermosa historia coa que ver as posibilidades do teatro e a biografía, envolta en lírica e creatividade. As ilustracións  recrean ese mundo case onírico (porque por algo se apagan as luces no teatro). 

Como se pode contar a vida dunha muler de teatro se non é a través dunha peza?