A tenda de xoguetes de Ledicia Costas

A tenda de xoguetes - Unha viaxe ilustrada pola historia dos xoguetes de Ledicia Costas, ilustrada por Rena Ortega.

Da presentación editorial: "Unha viaxe fascinante polos xoguetes que todos lembramos. A xoguetería de Luz invítanos a percorrer estantes cheos de memoria, historias, risas e tamén algunha caixa con Barbies que chegaron coas pernas ao revés. Este libro divulgativo reúne anécdotas, datos curiosos e a orixe de moitos dos xoguetes clásicos e contemporáneos máis importantes.
Da Barbie ao LEGO, do cubo de Rubik aos Sonny Angels. Un percorrido apaixonante polos xoguetes que marcaron xeracións. A autora Ledicia Costas, Premio Nacional de Literatura Infantil e Xuvenil, únese á ilustradora internacional Rena Ortega para crear un libro único: divulgativo, divertido e cheo de anécdotas sorprendentes." 

A historia de como nacen e evolucionan, a descrición, as instrucións para xogar... e xogos de todo tipo: parchís, videoxogos, jenga, pistola de auga, osiño de peluche, Barbie e Ken, skate, futbolín, lego, o cubo de Rubik, Mer Potato, bonecas repolo, Sonny Angels, xoguetes virais, kamagotchi... e a mellor sorpresa: descubir quen che conta a historia!

Un libro para revisar e afondar no mundo dos xoguetes.