Nas horas do seu reloxo. Unha viaxe de Antonio Palacios de Diego Giráldez con ilustracións a base de debuxos e bosquexos de MeliMolita
Da presentación editorial: "Antonio Palacios viaxa en tren de Madrid a Galicia na última etapa da
súa vida, acompañado pola súa parella, Adela Ramírez. O arquitecto leva
varios cadernos de debuxo que lle farán rememorar lembranzas da súa vida
e da súa traxectoria profesional. Son unha segunda pel enchida de
tatuaxes da que o escritor, Diego Giráldez, se vale para achegarnos a
figura de Palacios dun xeito distinto e inédito ata o de agora.
A través da ficción, pero tamén dun rigoroso traballo histórico e
documental, e apoiándose nas ilustracións de MeliMolita, descubriremos o
artista porriñés dende unha perspectiva máis emotiva e divulgativa."
Un dos arquitectos máis importantes do século XX. Un galego internacional con moita obra en Madrid e tamén en Galicia, dende o concello de Porriño ao Templo votivo do Mar, pasando polo Carballiño ou Vigo. Unha figura que se fai presenta no Círculo de Bellas Artes de Madrid ou no Palacio de Comunicacións. Un home ligado á súa terra tal como os creadores desta obra nos fan saber. Moi interesantes as páxinas nas que son as súas obras as que se nos presentan.
Ningún comentario:
Publicar un comentario