Verme de Fernández & González é un libro sen texto. Deses nos que les as imaxes e lle vas poñendo palabras, as palabras da túa lingua.
En verbas de Kalandraka (a editora), trátase dun "libro interactivo en formato acordeón que nos presenta un novidoso dispositivo mecánico dirixido por uns divertidos operarios, con el é posible viaxar ao centro da Terra. ¡Mira con atención e descobre todas as aventuras posibles"
Despois de Balea, aparece este outro artefacto. Un aparato perforador habitacional de grandes dimensións vén sendo a mellor maneira de viaxar ao centro da Terra. Imos vendo, por unha cara o interior do aparato e pola outra o exterior. Unhas chiscadelas fan que podamos observar as tumbas de Rosalía, Fridha e outros/as. Aparece baixo este nome en galego, castelán, euskera e catalán.
Ningún comentario:
Publicar un comentario